Dikhaway ki mohabbat

Bunjaray kabhi rishton ki tijarat nahi kertay
Hum log dikhaway ki mohabbet nahi kertay

Milna hai to ajeet lay maidan mai hum ko
Hum appnay Kabeelay se beghawat nahi kertay

Kisi se koi nata hum jorra nahi kertay
Mila lain hath to umer bhar chorra nahi kertay

Ager faisala ker lain kahin se kouch kernay ka
To phir wapis maharon ko kabhi morra nahi kertay

Humain maloom hai akhir mai jeet appni hi hony hai
So hum waqti shikaston per ye dil thorra nahi kertay

Ankhoun mein sitarey hein na shabnum na jugno..
Is terhan tu dushman ko bhi rukhsat nai kertay

Maghroor humain kahti hai to kahti rehay duniya
Hum murr ke kissi shaks ko dekha nahi kertay.

Mere Dard Se Be-Khaber

Kon Kehta Hai Woh Mere Bagher Tanha Hoga,
Woh Ik Chiragh Hai Kahin Aur Jalta Hoga.

Yeh To Hum Hain Ek Saakin Si Jheel,
Woh To “Bikhra“ Huwa Ik Dariya Hoga.

Woh To Rehta Hai Mohabbaton Ke Des Main,
Usay Kiya Khaber Koi Us Ko Sochta Hoga.

Woh Mere Dard Se Be-Khaber Nahin Tha Magar,
Usay “Dukh“ Baantney Ka Na Saleeqa Hoga.

Itna Naadan Nahin Ke Samjh Bhi Na Sakey Hamko,
Usi Ka “Tazkara“ Meri Har Ghazal Main Huwa Hoga.

Banaya Gaya Tha Hamein Khulus Ki Miti Se,
Hamein Khaber Na Thi Woh Bad Gumaan Hoga.

Main Ne Usay Chaha To Chaata Hi Gaya,
Meri Shiddton Se Ghabra Ker Woh Chal Diya Hoga

Ranj o alam ki bheer

khush thay kuch aisay teri rafaqat k shauq main
manzil ganwa di ham ne musaafat k shauq main

nafrat hi pehr e daar mili har makaam par
jis darr pe ham gaey hain mohaabat k shauq main

ham baargah e ishq main maqbool youn hue
khud se bichar gaey teri qurbat k shauq main

lautay hain ab tou saath hai ranj o alam ki bheer
niklay thay ghar se ik musarrat k shauq main

apnay chaman se raabta bilkul nahi raha
sehra norad ho gaey daulat k shauq main

daaman main hasraton k siwa kuch nahi
aisay lutay hain ham teri chahat k shauq main

Dayar-e-hijar ki teergi

Kabhi yaad aao tou iss terha

K lahu ki sari tamazatein
Tmhein rang rang samet lain
Tmhein dhoop dhoop nikhar dein
Tmhein harf harf mein sooch lein
Tujeh dekhney ka jo shok hou
Tou dayar-e-hijar ki teerge ko
Nakhun ki nook se nooch lein

Kabhi yaad aao tou iss terha
K dil o nazar mein sama sakoo
Kabhi hadd se aagey juno barhey
Tou hawas ban ke bikhar sakoo
Kabhi khil sakoo shab-e-wasal mein
Kabhi khun-e-dil mein sanwar sakoo
Sar-e-rahguzar jo kabhi milo
Na thehr sakoo, na guzar sakoo

Mera dard phir se ghazal bane
Kabhi gungunao tou iss terha
Mere zakham phir se gulab hon
Kabhi muskurao tou iss terha
Meri dharkanein bhi laraz uthein

Kabhi dil dukhaoo tou iss terha

Jo nahi tou phir baree shok se
Sabhi rabtee sabhi zabtee
Kahein dhoop chaoon ma tor do
Na shikast-e-dil ka sitam sahoo
Na suno kisi ka aazab-e-jan
Na kisi se apni khalish kahoo
Yunhi kush raho, yunhi kush phiro

khwahishon ka silsila

Kuchh adhuri khwahishon ka silsila hai zindagi,
Manzilon se ek musalsal fasala hai zindagi !

Mere darwaze pe dastak de ke chhup Jane ka khel,
Kab talak khelegi eh kya bachpana hai zindagi !

Tere afsane to mai sunta raha Hun baaraha,
Naam kya tune kabhi mera suna hai zindagi !

Zinda Hun doston ki duaaon ke bawajud,
Roshan hai kitani tej hawaon is zindagi !

Apani tamam shokh adaaon ke bawajud,
Bahla saki na jee mera eek pal bhi zindagi !

Bojhil hai rat chand sitaron ke bawajud,
Suraj ke bawajud andhera hai zindagi !

Barbaad hamko hona tha barbad ham huye,
Duniya hai sari nek salahon is zindagi !

Kaatil the jitane mere sabhi ho gaye bari,
Aur chup khadi thi chasmdeed gawahon si zindagi !

Tarha tarha ke azaab kiuN?

Yeh zara zara si baat par tarhaN tarhaN ke azaab kiuN?
jo kisi sey bhi khafa na ho mujhey us khuda ki talaash hey

mujhey laghzishoN pe har gharri koi tok’ta hey baar baar
jisey kar ke dil ko dukh na ho mujhey us gunaah ki talaash hey

meiN dhooNdta hooN wo khizaaN jisey gulshanoN sey pyaar ho
jisey kisi chiragh sey na bey’r ho mujhey us hawa ki talaash hey

mujhey us nagar ki hey justuju jahaN koi bhi chahata nahi lahu
jahaN hiran ko sheir sey dar na ho mujhey us jaga ki talaash hey

yahaN ik lamhey ke parrao meiN merey sarey phool jhulas gaey
ab jahaaN talkhioN ki tappish na ho mujhey us fiza ki talaash hey

bina humsafar ke kab talak koi musafitoN meiN laga rahey
jahaN koi kisi sey juda na ho mujhey us raah ki talaash hey

in husn-kadoN ke shor sey meri samaa’ateiN heiN ajnabi
ho jis pukaar meiN mukhlisi mujhey us sada ki talaash hey

mujhey deikh kar jo ik nazar merey sarey dard samajh sakey
jo is qadar ho chaara-gar mujhey us nigaah ki talaash hey….

Mohabbat Bhi Nahi Ki

Iss Dil Ne Tere Baad Mohabbat Bhi Nahi Ki
Had yeh ke Dharakne Ki Jisaarat Bhi Nahi Ki

Tabeer Ka Aeizaaz Hua Hai Ussey Hasil
Jisne Mere Khuaboo’b Mein Shiraakat Bhi Nahi Ki

Ulfat To Bari Baat Hai Humse To Sar-e-Shehar
Logoo’n Ne Kabhi Dhang se Nafrat Bhi Nahi Ki

Aadaab-e-Safar Ab Wo Sikhaate Hain Jinhoo’n Ne
Do Chaar Qadam Tay, Yeh Musaafat Bhi Nahi Ki

Kya Apni Safaayi Mein Bayaan Dete Ke Humne
Na Karda Gunaahi ki Wazaahat Bhi Nahi Ki

Khaamosh Tamashaayi Ki Maanind Sar-e-Bazm
So Zakham Sahey Dil Pe , Shikaayet Bhi Nahi ki

Iss Ghar Ke Sabhi Log Mujhey Chorney Aaye
Dehleez Talak aaney ki Uss Ne Yeh Zehmat Bhi Nahi Ki

Ussne Bhi Ghulamoo Ki Safoo’n Mein Humein Rakha
Iss Dil Pe Kabhi Jis Ne Hakoomat Bhi Nahi Ki

kya kya badal gaya !

Aankhoon ka rang, baat ka lehja badal gaya
wo shaks aik sham main kitna badal gaya !
kuch din to mera aks raha aa’ine pay naqsh
phir youn hua kay khud mera chehra badal gaya

jub apnay apnay hall pay hum tum na reh sakay
to kya hua jo hum say zamana badal gaya
qadmon talay jo rait bichi thi wo chal pari
uss ne churaya hath to sehra badal gaya

koi bhi cheez apni jaga per nahi rahi
jaatay hi aik shaks kay kya kya badal gaya !
uth ker chala gaya koi waqfay kay darmiya’n
parda utha to sara tamasha badal gaya

hai’rat say saray lafz ussay dekhtay rahay
batoon say apni baat ko kaisa badal gaya
kehne ko aik sehn main deewar hi bani
ghar ki fiza, makaan ka naqsha badal gaya

shayed wafa kay kheel say ukta gaya tha wo
manzil kay pass aa kay jo rasta badal gaya
qa’im kissi bhi haal pe duniya nahi rahi
taabeer kho gaee, kabhi sapna badal gaya

Yaad Aaongaa

Tum Meri Aankh Ke Tevvar Naa Bhula Paaoge ¤¦¤
¤¦¤ An Kahi Baat Ko Samajhoge to Yaad Aaongaa ¤¦¤

¤¦¤ Humne Khushiyon Ki Tarah Dukh Bhi Ikhatey Dekhe ¤¦¤
¤¦¤ Safaah-e-ziist Ko Paltoge To Yaad Aaongaa ¤¦¤

¤¦¤ Isii Andaaz Mein Hotey The Mukhatib Mujh Se ¤¦¤
¤¦¤ Khat kisi Aur Ko Likho Ge To Yaad Aaongaa ¤¦¤

¤¦¤ Sard Raaton Ke Mehakte Huwe Sanaaton Mein ¤¦¤
¤¦¤ Jab kisi Phool Ko Choomoge To Yaad Aaongaa ¤¦¤

¤¦¤ Ab Teray Ashk Mein Honton Se Chura leta Hoon ¤¦¤
¤¦¤ Haath Se Khud Inhain Ponchoge To Yaad Aaongaa ¤¦¤

nahi ye kaam akal walon ka

nahi ye kaam akal walon ka,
pyaar ker lain to sochna kya hai,
tujh ko dekha to ishq ker bethay,
nahi dekha bhala bura kya hai,
bina teray mai laash jesi hoon,
mai nahi jaanti kaza kya hai,
tujhko dekhain to jaan lain gy sb,
pyaar kya hota hai wafa kya hai